אהבה / יוסף אבן-ששת

 

     אֶצְעֲקָה בְּמַר לִבִּי / "אוֹהֲבִי, זְנַחְתַּנִי!"

     אוֹמְרָה לְאֵל סַלְעִי / "לָמָּה שְׁכַחְתַּנִי?"

 

   בֵּן בְּכוֹר קְרָאתַנִי, / לִכְבוֹדְךָ בְּרָאתַנִי,

   חֶסֶד מְשַׁכְתַּנִי, / מִנֹּף גְּאַלְתַּנִי.

מַה לְּךָ שְׂנֵאתַנִי / אַחֲרֵי פְדִיתַנִי;                                    5

לֹא לְךָ לְקַחְתַּנִי

        אוֹהֲבִי, אֲהָהּ לִי, / אֵיךְ הֶעֱבַדְתַּנִי !

 

   נָע וְנָד אֲנִי מֻשְׁלָךְ / מִמְּךָ וּמִשֶּׁלָּךְ,

   וּזְמָן יְקָר הָלַךְ /  אַחֲרֵי זְמָן מָשְלָךְ

וִימֵי עֱזוּז גָּדְלָךְ. / עַבְדִּי, אֲהָהּ, מָלַךְ –               10

   וַהֲלֹא לְעֶבֶד לָךְ

        אוֹהֲבִי, אֲהָהּ לִי, / בִּלְבַד יְצַרְתַּנִי !

 

   שַׁחוּ בְנוֹת שִׁירִי, / חִלֵּל זְמָן שָׂרִי,

וַיֶּחֱזַק צִירִי / מֵאֵין לְלֵב צֹרִי.

אֶבְכֶּה בְהִמָּכְרִי / חִנָּם אֱלֵי צָרִי,                                    15

כַּאְשֶׁר לְךָ נָכְרִי

   אוֹהֲבִי, אֲהָהּ לִי, / אָבִי חֲשַׁבְתַּנִי !

 

   שִׂיחִי לְךָ שַׂחְתִּי, /  נִגְעִי וְתוֹכַחְתִּי

   אֶצְעַק : אֲהָהּ, שַׁחְתִּי, / סַפְתִּי וְנִסַּחְתִּי,

נַדְתִּי וְנִדַּחְתִּי, / נַחְתִּי וְלֹא נַחְתִּי                                    20

    בַּשְּׁבִי וְנִשְׁכַּחְתִּי,

     אוֹהֲבִי, אֲהָהּ לִי, /  כִּי אִם זְנַחְתַּנִי!

 

   תָּנִיף כְּיָם נִדְבַת / יָד, כּוֹנֲנָה טוֹבַת

   מָשׂוֹשׂ אֲשֶׁר שָׁבַת, / יוֹם תַּעֲלֶה שִׁכְבַת

טַל לַעֲזֹר מְשִׁיבַת / נֶפֶשׁ, וְתִפְדֶּה בַת-                 25

נָדִיב כְּמוֹ אַהְבַת / עוֹלָם אֲהַבְתַּנִי !

 

לתוכן הענינים

לדף הראשי של פרויקט בן-יהודה