רְשִׁימָה עַל קְעָרָה

א

אֲחִי שֵׂכֶל אֲשֶׁר יָדָיו לְאֹרְחִים

וְלַהֵלֶךְ בְּהִתְנַדֵּב בְּנֵי עָב

מְלֵאָה מִנְּעִים אֹכֶל תְּנֵנִי

לְנֶגְדָּם כִּי עֲטוּפִים הֵם בְּרָעָב.

ב

חָתָן בְּחֵי שִׁמְךָ וְחֵי מַלְכִּי

אַל יִשְׁלְחוּ יָד בִּי חֲבֵרֶיךָ

אֶהְּיֶה סְגֻלָּה לָךְ וְתִשְׁלַח בִּי

יָדְךָ וְיַד אֵשֶׁת נְעוּרֶיךָ.

ג

הִנֵּה אֲנִי כַקֵּן לְכָל עוֹפוֹת

עָפוּ פְּנֵי שַׁחַק וְאֶפְרֹחִים

מַה נָּעֲמוּ יוֹם שִׁסְּעוּ אֹתָם

יַד אֹהֲבֵי חַסְדּוֹ וּפִי אַחִים.

ד

יְדִידִים סָבְבְו שֻּלְחָן נְדִיב לֵב

וְאֹתִי נָתְנוּ עָלָיו לְכֶתֶר

לְכֵן חוּשׁוּ מְיֻדָּעִים כְּפִי אֵל

אֲכֹל מַה בִּי וְשָׂבוֹעַ וְהוֹתֵר.

ה

חוּשׁוּ בְּנֵי שֵׂכֶל אֱלֵי שׁוּלְחָן

עָרַך לְנֶגְדֵּיכֶם נְדִיב עָמִּים

אָכֵן אֲנִי תוֹכוֹ כְּמִרְכֶּבֶת

ישְׁבָה מְלֵאָה צוּף וּמַטְעַמִּים.

ו

יְפֵה מַרְאֶה פְּקַח עַיִן רְאֶה אֶת

נְעִים שֹׁמֶן אֲשֶר שַׂמְתִּי לְנֶגְדָּךְ

בְּטֶרֶם יֶחֱזֶה אֹתוֹ וְיָרוּץ

לְאָכְלֵהוּ אֲשֶׁר ישֵׁב לְצִדָּךְ.

ז

רְאוּ שׂחִים כְּיוֹם אֶתְמֹל בְּמַיִם

וּמֶנְהוּ יָצְאוּ הַיּוֹם לְתֹפֶת

וְתוֹכִי הוּבְאוּ מִנְחָה אֲלֵיכֶם

הֲכִי מִצּוּף מְתוּקִים הֵם וְנֹפֶת.

ח

אֲנִי הַיָּם וּבִי דָּגִים יְרֻצוּן

וְדוֹדִים יִמשְׁכוּ אֹתָם אֲלֵיהֶם

בְּעֵת יֹומָם יְדִידִי חִישׁ לְאָכְלָם

וגוּרָה מִשְּׁתוֹת מַיִם עֲלֵיהֶם.

ט

רְאוּ שֻׁלְחָן אֲשֶׁר יִדְמֶה לְפֶלֶךְ

וְהִנֵּנִי בְתוֹכוֹ כַלְּבָנָה

וְלִי הֵן יִשְׁלְחוּ יָד הַנְּדִיבִים

לְמַעַן כִּי אֲנִי מִטּוּב טְעוּנָה.

י

אִם תִּהְיֶה אֹכֵל אֲשֶׁר נִתַּן

בִּי לֹא תְהִי חֹלֶה וְלֹא תִדָּל

כֻּתָּה יְשִׂימוּן בִּי יְמֵי הַחֹם

תָּמִיד וּבַקֹּר יִתְּנוּ חַרְדָּל.

לתוכן הענינים

לדף הראשי של פרויקט בן-יהודה