לתוכן הענינים

מִי יִתְּנֵנִי עֶבֶד אֱלוֹהַּ

מִי יִתְּנֵנִי / עֶבֶד אֱלוֹהַּ עוֹשֵׂנִי,

וִירַחֲקֵנִי / כָל‑ דּוֹד וְהוּא יַקְרִיבֵנִי!

יוֹצְרִי וְרוֹעִי, / נַפְשִׁי וְגֵוִי קָנִיתָ,

בַּנְתַּ לְרֵעִי / וּמַחְשְׁבוֹתַי רָאִיתָ,

אָרְחִי וְרִבְעִי / וְכָל‑ דְּרָכַי זֵרִיתָ.

אִם תַּעְזְרֵנִי ‑ / מִי זֶה אֲשֶר יַכְשִׁילֵנִי!

אוֹ תַּעְצְרֵנִי ‑ / מִי בִּלְתְךָ יַתִּירֵנִי?

הָמוּ קְרָבַי / לִהְיוֹת קְרוֹבִים אֵלֶיךָ,

אוּלָם עֲצָבַי / יְרַחֲקוּם מֵעָלֶיךָ,

יַטּוּ נְתִיבַי / מֵעַל נְתִיב מַעְגָּלֶיךָ,

יָהּ,לַמְּדֵנִי / בַּאְמִתְּךָ הַדְרִיכֵנִי,

וּלְאַט נְחַנִי / בַדִּין, וְאַל תַּרְשִׁיעֵנִי!

וַאְנִי בְּעֶדְנָה / לַעְשׂוֹת רְצוֹנְךָ מִתְרַפֶּה.

אַף כִּי בְזִקְנָה ‑ / מַה זֶה אֲיַחֵל וַאְצַפֶּה?

אֵל, נָא רְפָא נָא, / כּיִ עמְּךָ אֵל הַמַּרְפֵּא.

יוֹם תִתְּשֵׁנִי / זִקְנָה, וְכֹחִי יִנְשַׁנִי,

אַל תִּטְּשֵנִי, צוּרִי, וְאַל תַּעַזְבֵנִי!

דַּכָּא וְאֻמְלָל / אֵשֵׁב, וְחָרֵד לִרְגָעָי,

עָרוֹם וְשׁוֹלָל / אֵלֵךְ בְּהֵבְלֵי תַעְתּוּעָי,

וַאְנִי מְחֹלָל / מֵרֹב חֲטָאַי וּפְשָׁעָי,

בֵּינְךָ וּבֵינִי / עָוֹן אֲשׁר יַבְדִּיֵלִני,

וַיַחְשְׂכֵנִי / לִראוֹת בְאוֹרֶךָ עֵינִי!

הַטֵּה לְבָבִי / לַעְבֹד עֲבֹדַת מַלְכוּתְךָ,

וּמַחֲשָׁבִי / טַהֵר, לְדֵעָה אֱלֹהוּתְךָ,

וּבְעֵת כְּאֵבִי / אַל נָא תְאַחֵר רִפְאוּתְךָ.

אֵלִי עֲנֵנִי, / אַל תֶּחֱשֶׁה וּתְעַנֵּנִי,

שֵנִית קְנֵנִי / וֶאְמֹר לְעַבְדֶּךְ: הִנֵּנִי!

לתוכן הענינים