אֶרְאֶה לִפְנֵי אֱלֹהִים בִּרְנָנָי / ר' משה אבן עזרא

סימן: משה חזק

 

   אֶרְאֶה לִפְנֵי                  אֲלֹהִים בִּרְנָנָי

   וְלִבִּי לוֹ אֶפְנֶה              וְאָעִיד נֶאֱמָנָי

   וְאֶעֱנֵה לוֹ מַעֲנֶה           שִׁירִים בַּהֲמוֹנָי

וַעֲבָדָיו הִנֵּה                       בָּרְכוּ אֵת אֲדֹנָי:                      תה' קלד, א

 

   מִלָּתִי פָצְתָה                לְהַגִּיד מֵישָׁרִים

   וּלְשׁוֹנִי עָוְתָה               נִצְפְּנָה בַחוֹרִים,

   וּמְעַט קָט נָטְתָה          לָקַחַת אֲמָרִים –

לְכוּ נָא הַגְּבָרִים                וְעִבְדוּ אֶת אֲדֹנָי:                  שמ' י, יא

 

   שִׁיתוּ לֵב אִישִׁים         וְסוֹד אַל תַּבִּיעוּ

   וְשַאֲלוּ מִישִׁישִׁים        אִם לֹא תֵדָעוּ

   כִּי לְכָל חֵרְשִׁים            מַצְפֻּנָיו נִבְעוּ

וְהַבִּיטוּ וּדְעוּ                     כִּי הִפְלָה אֲדֹנָי:                    תה' ד', ז'

 

   הִנֵּה בַּמְּעוֹנִים              סַהֲדִי מִפְעָלָךְ

   עֵדִים נֶאֱמָנִים             יְעִידוּן מַהְלָלָךְ

   וְיָבִינוּ נְבוֹנִים              כִּי אֵין בִּגְלָלָךְ

בַּשַּׁחַק יַעֲרֹךְ לָךְ                יִדְמֶה לַאדֹנָי:                       תה' מ', ז

 

   חֲדָשִׁים לַבְּקָרִים         עַל זֹאת מִשְׁתָּאִים

   כִּי עֲדָרִים עֲדָרִים        צְבָא שַׁחַק יוֹצְאִים

   וְכַעֲלוֹת הַשְּׁחָרִים        צְבָאָיו יוֹם בָּאִים

מַה-זֶּה נִפְלָאִים                מַעֲשֶׂיךָ אֲדֹנָי!                       שם קלט, יד

 

   זִיקִים וּבְרָקִים           נִשְׁלָחִים מֵאֵת

   שְׁחָקִים וַאֲרָקִים        וַעֲרָפֶל לְמַשְׂאֵת

   לְעָם עַמּוֹ מְצִיקִים       לוֹ לֹא יוּכַל שֵׁאת

מִי יַעֲשֶׂה, מִי אַתְּ              הַמֶּלֶךְ אֲדֹנָי:                         מל"א א, יג

 

   קַדְּמוּ אֶת פָּנָיו             נִדְרֵיכֶם שַׁלְּמוּ

   חֵלֶף שַׁי כֹּהֲנָיו             אֲמָרֵיכֶם נַעֲמוּ

   אִישׁ אִישׁ אֶת רְנָנָיו,    הַבִּיטוּ וְטַעֲמוּ

כִּי כְצוּף נֹפֶת נָעֲמוּ            אֲמָרֶיךָ אֲדֹנָי:

 

לתוכן הענינים

לדף הראשי של פרויקט בן-יהודה